Beldîs de mîtîngê Partîya Çep a Keske ame kerdene. Hemserekê Pêroyî yê HDPyî Mîthat Sancar, temsîlkarê PÎA Rumeysa Gulmez û namzedê Partîya Çep a Keske tewrê mîtîngî bîyî.

Sancarî bi kurdkî xîtabê şarê Bedlîsî kerd û vat:  “Ma vînenê ke Bedlîs zî hazir o. Bedlîs semedê 14ê gulane hazir o. Bedlîs haziro ke nê îqtîdarê zilmî bişawo.  Ma yenê, pêro pîya yenê.  Semedê bedilnayîş, demokrasî, haştîye, azadîye, adalet û seycîyeyîye yenê.  Se kenê wa bikerê, ma tîya de yê, vengê xo her hetî rê danê eşnawitene. Tewr zaf zî wa qesre bieşnawo qesre! 

Zana ke hêzo ke peynîya saltanatê înan û polîtîkayanê înan ê şerî ano, ma de yo, têkoşînê qerardarî yê şarî de yo. Aye ro hêriş kenê.  Bi des serran o nê metodan şuxulnenê la ma rayraşîyayîşê xo ra peyser game nêeşte. Ma do 14ê gulane de nê îqtîdarî birijnê û bi tewirêkê bitesîrî meclîs de cayê xo bigêrê. Ma do bibedilnê. Ma pê bawer ê ke do haştîye û demokrasî bêrê.  Rîyê polîtîkayanê şerî ra no welat tengayî de yo. Heta ke meseleya kurdan nêro çareserkerdene problemê bînî nêeşeknê bêrê çareserkerdene. Seba ke feqîrîye biqedîyo û ganê ma bidîyê ciwîyayene ma do miheqeq meseleya kurdan çareser bikerê.

Gerek her kes şiro sindoq ser û morê xo bidê binê dara Partîya Çep a Keske ro. Ma do wayîrê rayanê xo bivejîyê. Heta serê sibayî serê sindoqan de bipawê. Nê welatî de her çî dizna, îradeyê ma xesp kerd. Ma do peynîya nê poltîkayanê qeyûmî bîyarê. Wexto ciyo ke îradeyê şarî rayna bêro îdare. Eslê xo de ê tersenê, zanê do vîn bikerê.  Ma Îtîfaqê Azadîye û Demokrasîyî na ro. Ma îtîfaqo tewr pîl bi şarê kerd.  Ma bibê yew, meverdê kes yewîya ma bixeripo. Îradeyê xo xurt tepişê. Ma nê sîstemî bibedilnê û nê îqtîdarî bişawê. Ma zaf bedelî dayî, ma do ser bikewê. Dîsa em, em li vir in. Dîsa em, dîsa azadî, disa aşitî, dîsa demokrasî, disa serkeftin, serkeftin, serkeftin hevalno.”