Têgêrayîşê Cinîyan ê Kurdan ê Ewropa (TJK-E) vera tecrîdê serê Rayberê Şarê Kurdî Abdullah Ocalanî kampanyaya mektuban daye destpêkerdene ke wa Komîteya Vergirewtişê Îşkenceyî (CPT) wezîfeyo xo bîyaro ca.

Çarçewaya kampanya de Danimarka, Norveç û Finlandiya bi seyan îmzayê ke ameyî arêdayene CPTyî rê ameyî şawitene. Meclîs, komun û înîsîyatîfanê cinîyan ê nê hîrê welatan bi eşkerayîya hempare vat ê tecrîdî qebul nêkenê û do semedê azadîya Abdullah Ocalanî têkoşîn bikerê. Cinîyan veng da ke sere de CPT wa dezgehê eleqedarî berpirsîyarîya xo bîyarî ca.