Merdimanê tepişteyan vera tecrîdê serê Rayberê Şarê Kurdî Abdullah Ocalanî no hewte zî çalakîya 'Veng Bidê Azadîye' rê dewam kerd. 

Girseyî verê Zîndanê Tîpê Tyî yê Êlihî de çalakîya xo kerde. Endam û îdarekarê TUHAY-DER, TJA, Meclîsê Mayanê Haştîye, DBP û DEM Partî zî tewrê çalakîye bîyî. Çalakîye de pankarta ''Seba edaletî ma tecrîdî bişiknê û seba haştîye veng bidê azadîye'' ameye akerdene.

Hemsereka DEM Partî ya Êlihî Songule Korkmaz çalakîye de ard ziwan ke heta tedayê zîndanan dewam bikerê ê zî do çalakîya xo rê dewam bikerê. Songule veng da ke wa tecrîd bêro wedaritene.

Çalakîye dima ke eşkerayîye ameye wendene bi sloganan qedîyaye.