KCDK-Eyî vera hêrişê dewleta tirkî yê dewanê Kor Elî û Selîmî yê Kobanêyî hêrsê xo ard ziwan û waşt ke wa her kes vejîyo kuçeyan.

Eşkerayî de ame vatene ke dewlata tirkî hêrişê xo 1ê Teşrîna peyêne Roja Kobanê rê raşt ardî û şarê kurdî û dostanê ci ra waşt wa vejîyê kuçeyan û cewabê herîşkaran bidî.

KCDK- Eyî vatişê Erdoganî yê ‘Kobenê kewt do bikewo‘ zî vist vîrî û va: ‘‘Şarê ma senî ke bi azadkerdişê Kobanê cewab da Erdoganî ganî ewro zî vera hêrişan vejîyo meydanan û paşt bido şarê Kobanê.‘‘