Seba pêvînayîşê Rayberê Şarê Kurdî muracato newe ame kerdene

Avûkatanê Rayberê Şarê Kurdî Abdullah Ocalanî seba ke muwekîlê xo bivînê reyna muracatê Serdozgerîya Komare ya Bursa kerd.

Avûkatanê Rayberê Şarê Kurdî Abdullah Ocalanî Rezane Sarica, Faîk Ozgur Erol, Cengîz Yureklî û Serbay Koklu seba ke muwekîlê xo reyde pêvînayîş bikerê, reyna muracatê Serdozgerîya Komare ya Bursa kerd.

14ê adare vilabîyayîşê îdîayanê derheqê weşîya Ocalanî ra nata avûkatan, wasî û keyeyî 13 reyî muracatê Wezaretê Edaletî û Serdozgerîya Bursa, 2 reyî zî muracatê CPTyî kerd.

Bi bahaneya 'Xerîtaya Rayîrî' ya Ocalanî ya ke 2009 de erşawitbi Mehkemeya Heqanê Merdiman a Ewropa (MHME) pêvînayîşî ameyêne astengkerdene. Qedexe 23ê adare de qedîya la cewab nêdîya muracatê avûkatan.

Rayberê Şarê Kurdî 25ê adare de wexto ke Mehmet Ocalanî reyde pê telefonî qisey kerdêne telefon birîya.