Namzedanê Partîya Çep a Keske yê Colemêrgî ra Vezîr Parlakî derheqê xebatanê weçînayîşan de ANFyî rê qisey kerd.

Parlakî da zanayene ke şaristan de qedexeyê vera ware û herêman meseleya tewr pîle ya û vat: ''Xizanîya şarî zî asta tewr pîle de ya. Bacê şarî nêşinê şarî. Ganî ma ney teşhîr bikerê. Bi taybetî vera ciwanan polîtîkayê şerê taybetî yenê kerdene. Ganî ma vera ney bi xurtî têkoşîn bikerê. 14ê gulane ra dima armancê ma yo verên no yo ke vera polîtîkayanê şerê taybetî têbigêrê. Şarê ma rixmê nê kerdişan hêvîdar o. Şarê ma ney wazeno; tecrîdê Îmraliyî bêro wedaritene, berê haştîye abibo, meseleya kurdan çareser biba û ablûqaya vera şarîstanî biqeda. ''

Parlakî venga pêro kurdan da ke şorê sindoqan ser û vat: ''Eke ma wazenê ke tecrîd û ablûqa biqedê ganî ma erkê xo bîyarê ca û raye bidê. Eke ma rolê xo nêyarê ca polîtîkayê şerê taybetî do dewam bikerê. Ganî her kes 14ê gulane de raya xo bido. Ganî hînî no îqtîdaro faşîst şoro.''