Stadyûmê Serdemî yê Hesekê  de semedê 9 şehîdanê şehîdanê YATî ke 15ê adare de, Başûrê Kurdîstanî de qezaya helîkopterî de şehîd bîyî, merasîm ame kerdene.

Herêmanê Cizre, Reqa,Firat, Minbic, Şehba û Dêrazorî ra bi des hezaran kesî tewrê merasîmî bîyî. Cenazayê 9 şehîdan nêweşxane ra bi konvoyî ameyî girewtene û dima ra  serê doşan de kirişîyayî stadyumî.

Fermandaranê QSDyî ra Mazlûm Ebdî û Newroze Ehmed, Hemserekê Îdareyê Xoserî yê Rojawanî Bêrîvan Xalid û Ebid Hamid El-Mihbaş,Fermandarê Hêzanê Têkoşînê Vera Terorî yê YNKyî Vehab Helepçî  û Hemsereka Meclîsê Sûrîyeya Demokratîke Emîne Umer zî tewrê mersîmî bîyî.

Qiseykerdişan de bale ameye antene serê têkoşînê şehîdan ser ke sere de vera çeteyanê DAÎŞî, herême heme hêrişan ra pawite û xeyrê fedakarîya înan destkewteyê şarî yenê pawitene. Qiseykerdoxan xoverdayîşê şehîdan ard vîr û soz da ke do herra ke binê îşxalî de ya, azad bikerê.

Badê mersasîmî cenazayî bi slogananê "Şehîd namirin", "Bijî Berxwedana YPG yê", "Bi can bi xwîn em bi te re ne ey şehît”  şawîyayî bajaranê înan. Şehîdî do Qamişlo, Dêrik, Kobanê û Şehba de bêrê definkerdene.