Endamê Heyetê Îmraliyî yê DEM Partî û Serekwekîlê Meclîsî Sirri Sureyya Onderî vizêr nêweşxane de dinyaya xo bedilnaye. Seba Onderî Merkezê Kulturî yê Ataturkî yê Taksîmî de merasîmêk ame kerdene.

Heyeta merasîmî de sloganê sey “Şehîd namirin", “Elçîyê haştîye Îmrali de yo ”, “Bijî biratiya gelan", " û “Sirriyî rê sozê ma do haştîye bo ” ameyî vatene.

Lawikê dayîkêke ya kurdkî bi deqaya heme heyete de zimayî. Heyata merasîmî bi pirr xeylê kesî teber de mendî.

Cenazaya Onderî hetê keyeyê ci ra kirişîya sehne. Bi hezaran kesan bi deqaya payra çapikî kuwayî. Cenazaya Onderî bi vilikan ameye xemilnayene û benzînê ci de laçika sipî ameye ronayene.

Bado ke mesajê Rayber Apoyî ame wendene sloganê“Biji Serok Apo” bîyî berz.

Kênaya Onderî Ceren Onder Kandemir qiseykerdişê xo de heskerdiş û dejê xo ard ziwan.

Hemsereka Pêroyî ya DEM Partî Tulaye Hatimgollari vat, ''Ma soz danê to ke ma do waştiş ti yê haştîye bîyarê ca.''

Hemserekê Pêroyî yê DEM Partî Tuncer Bakirhanî zî Sirri Sureyya Onder sey simgeyê haştîye name kerd û vat, ''To rê soz awa Firatî do biherikîyo Marmara, to rê soz do haştîye ser bikewo.''

Endama Heyetê Îmraliyî ya DEM Partî Pervîne Buldan zî nê vatî: ''Sirri ez to ra nêvana oxir bo. Ti embazê mi yê rayîrî bî, hemra, birayê mi bî.  Ti her çîyê mi bî. Ti rayîrê ma de mi têna verda, ti kurdî têna verdayî dosto qedîm ê kurdan Sirri. To ra xatirwaştiş zor o. Ti têna Sirri Sureyya Onder nêbî, ti tirk, kurd, elewbî bî, ti dara Parka Gezî bî, vilik bî, gul bî. Ti ganê heme gandaran bî. Ti 18 rojî nêweşxane de mendî. Sebi ti zanî Sirri; To haştîya komelkî arde ca, haştîya komelkî ameye caardene. Nika wextê haştîya girde yo.''

Badê merasîmî şarî ver bi Dolmabahçe ke do tîya de nimajê cenaza bêro kerdene, dest pê rayraşîyayîşî kerd.