Vervatoxanê Înîsîyatîfê Komunê Demokratîkî yê Şorişgêrî yê Ewropa ra Semra Uzunok derheqê weçînayîşanê 14ê gulane de vat: ''Seba heqanê cinî, karker û kedkaran Ewropa û Tirkîya de raya xo bidê Partîya Çep a Keske.''
Vervatoxanê Înîsîyatîfê Komunê Demokratîkî yê Şorişgêrî yê Ewropa (ADDKÎ) ra Semra Uzunok derheqê weçînayîşanê 14ê gulane de ANFyî rê qisey kerd.
Uzunoke vat: ''Her prosesê weçînayîşî raşta zî zaf girîng o. Labelê wexto ke merdim rojdemê sîyasî yê 20 serranê peyênan ercneno vîneno ke nê weçînayîşî zaf girîng ê. Krîzo ekonomîk, komelkî û sîyasî nê weçînayîşan de xorin bîyo, rejîmê tekcamêrdî ver bi dîktatorîye şino.
AKP-MHP vera beşanê komelî şer keno. Vera feraseto ke bombayan varneno kurdan ser û serdestîya camêrdan weye keno, seba ke îradeyê cuya şaran û kedkaran çin nêkero, seba ke Peymana Îstanbulî abigêro, seba ke heqê xopawitişî yê cinîyan bimanê nê weçînayîşan de ma wazenê Ewropa û Tirkîya de raye bêra dayene Partîya Çep a Keske.''
