Unite The Union yo ke kampanyaya “Freedom for Ocalan” de ca geno bi nameyê 14 sendîkayanê girdan ê Britanya derheqê mesajê peyênî yê Rayber Apoyî û hêrişê qeyûmî de eşkerayîye daye û nê vatî:

''Hukmatê tirkî vera komaleyanê kurdan û heqanê înan ê demokratîkan hêrişê xo domneno. Tewr peynî de hukmatê tirkî Mêrdîn, Êlih û Xelfetî de dest na şaredarîyanê kurdan ser. Erdogan û Behçeliyî dewrê nêzdî de vatbi ê çareserî wazenê la eynî wextî de Rojawna de hêrişê sîvîlan kenê.

23ê teşrîna verêne de Abdullah Ocalanî bi rayîrê birarzayê xo Omer Ocalanî mesajêk şawit û reyna  vat o semedê çareserkerdiş mesele hazir o. Ganî no mesajî sero bêro vindetene. Ocalan eşkeno nê prosesî de rolêkê muhîmî kay bikero. Mesajê Ocalanî vengdayîşê aqil û dîyalogî yo. Ganî no vengdayîş hem hetê Tirkîya ra hem zî hetê komelê mîyanneteweyîyî ra bêro goştarîkerdene. Rixmê îzolasyonê bi serran OCalan hazir o ke meseleya kurdan bi metodanê haştîye çareser bikero. Tikîya ganî sey game verêne hêrişanê xo yê leşkerî vindarno, kesê ke ameyî vîjnayene wezîfe ra dûrî mefîno û heqanê demokratîkan şarê kurdî rê hurmet bikero.''

Eşkerayîye de bi rêzkerdişî nê ameyî waştene:

1. Ganî cade qeyûm bêro wedaritene û sere de Mêrdîn, Êlih û Xelfetî heme hemşaredarê kurdan newera dest pê karê xo bikerî.

2. Ganî tecrîdê serê Abdullah Ocalanî bêro wedaritene û cade serbest  bêro veradayene.

3. Ganî operasyonê leşkerî yê vera Rojawanî bêrê vindarnayene û şîdetê vera sîvîlan bêro vindarnayene.

4. Ganî Tirkîya û herême de kurdî bieşkê falîyetanê sîyasîyan rayra berê û heqanê xo yê demokratîkan bişuxulnê.

5. Ganî vera Tirkîya hetê hêzanê mîyanneteweyîyî ra zext bêro kerdene ke bi temsîlkaranê krudan û grûbanê sîyasîyan ê bînan dest bi dîyalogî bikera.