Weqfa Heqanê Merdiman a Tirkîya (TÎHV) Raporê Heqanê Merdiman ê 2020î yê Tirkîya weşana. Rapor de ame îfadekerdene ke Kovîd-19 seba merkezîbîyayîş û mîlîtarîzmî sey firsendî ame ercnayene û wina ame vatene: ''Îqtîdarî ekonomî ra heta weşîya komelî pêro meseleyê welatî kerdî meseleya asayîşî, hem welat hem zî teber de teda xo rê kerde esas, çareserkerdişê meseleya kurdan û meseleyanê mîyanneteweyîyan de şer kerd polîtîkaya esase. Bingeyê binpaykerdişê heqanê merdiman ê Tirkîya de nê sebebê tewr girîngî yê.''

Goreyê raporî heqê cuye 3 hezar û 291 reyî ameyî binpaykerdene, 404 kesan rê îşkence ame kerdene, endamîye ra hezar û 865 kesî û çalakîyan ra 2 hezar û 14 kesî ameyî destbendkerdene.