Rayraşîyayîşo Derg ê seba azadîya Rayberê Şarê Kurdî Abdullah Ocalanî 17ê sibate de Koln de do dest pêbikero. 

Sîyasetmedarê îtalyanî Ramon Mantovaniyo ke wextê Komployê Mîyanneteweyîyî de Endamê Komîsyonê Karanê Teberî yê Îtalya bibi, bi mesajêkî venga pêro kesan da ke wayîrê Rayraşîyayîşê Dergî vejîyê.

Mesajê Mantovaniyî wina yo: 

''Ez Rayraşîyayîşê Dergî selam kena ke seba azadîya Ocalanî yeno kerdene ke Ocalan 25 serrî yo bi hawayêkê bêhuqûqî tepişîyeno. Abdullah Ocalan teyna lîderê şarê kurdî nîyo. O serekê pêro averwaz û çepgîranê dinya yo. Heman wextî de felsefeya Rayber Apoyî bi hawayêkê gandarî Rojawan de ciwîyena û no seba ma pêroyînan zaf girîng a.

Konfederalîzmo demokratîk, rexnekerdişê rewşa nikayêne û şorişê cinîyan zaf girîng o. Ganî pêro çepgîrê dinya nê fikran bimusê. Ocalan wexto ke Roma de bi mi o şinasna ke no çi seba mi sereberzî ya. Ez zerrî ra vana ke ez xo sey parçeyêkê şarê kurdî hîs kena. Seba mi pêro kurdî embazê min ê.

Ez venga pêro kesan dana ke 17ê sibate de Kolnê almanya de tewrê rayraşîyayîşî bibê. No vengdayîşê mi seba pêro partîyanê sîyasîyan, averwazan û çepgîran o zî.''