Polîsan meydanê Esenyûrtî yê Stenbolî de dormeyê parlamenteranê HDP'yî girewt û camîyê Serhan Tîrîtî de tayê kesan nimaj kerdêne, polîsan ê zî camîyî ra vetî.

Seba protestokerdişê destsernayîşî yê Şaredarîyanê Amed, Wan û Mêrdînî parlamenteranê HDP'yî Dilşat Canbaz Kaya, Omer Ocalan, Sarûhan Oluç, Kemal Bulbul û Necdet Îpekyuzî meydanê Esenyurtî de dest bi Nobeta Demokrasîyî kerde. Polîsan dormeyê parlamenteran girewt û kesanê ke Camîyê Serhan Tîrîtî de nimaj kerdêne, polîsan ê zî camîyî ra vetî. Parlamenteran saet 19.00 de nobeta xo qedînaye. Dimayê qedîyayîşê nobete polîsan destûr nêda ke şar reyna kom bibo. Ciwnao ke sloganê 'Wa biciwîyo xoverdayîşê Amedî'  qîra, hetê polîsan ra ame destbendkerdene.