Ciwananê kurdan û enternasyonalîstan  bajarê Strasbourgî yê Fransa de seba ke bale biancê serê tecrîdê vera Rayberê Şarê Kurdî Abdullah Ocalanî ke hîrê serrî yo tira qet xeberêke nîna girewtene, bînayanê Komîteya Vergirewtişê Îşkenceyî (CPT) Parlementoyê Ewropa (PE) û Mehkemeya Heqanê Merdiman a Ewropa (MHME) de bi hewayêkê hemwextî hîrê çalakîyê bêîteatîya sîvîle kerdî.

Ciwananê ke bi slogana “Bijî Serok Apo” qîrayî  verng da CPT, PE û MHME ke wa vera tecrîdê granî têbigêrê û berpirsîyarîya xo bîyarê ca. Ciwanan vat heta azadîya Rayberê Şarê Kurdî Abdullah Ocalanî sere de ciwanî ganî her kes payan ser bo.

Polîsanê fransizan ke waşt vernîya çalakîyan  bîgêrê, bi cop û gazê îsotî hêrişê ciwanan kerd.