Wekîla DEM Partî ya Mûşî Sumeyye Boz derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.

Sumeyye Boz ard ziwan ke tecrîdo mutleq hîrê serrî yo tecrîd 25 serran ra zêdeyêr dewam keno Sumeyye vat: ''Nê tecrîdî de hetêko huqûqî çin o. Abdullah Ocalan seba şarê kurdî kesêko girîng o. Bi mîlyonan merdimî vanê 'Adbullah Ocalan îradeyê ma yo.' Coka kerdena vera Ocalanî kerdena vera kurdan a. Feraseto ke tecrîdî ano ca nêverdeno meseleya kurdan çareser bibo û wazeno şer dewam bikero.''

Sumeyye Boz îfade kerd ke şarê kurdî seba estbîyayîşê xo têkoşîn keno û vat: ''La vera nê têkoşînî polîtîkayê înkar û îmha se serrî yo dewam kenê. Mîyanê nê têkoşînî de waştişê haştîye est o. Coka ganî seba prosesê haştîye dîyalogî bêrê viraştene. Tecrîdê Îmraliyî vilayê her cayê komelî bîyo û hetê sîyasî, ekonomîk, komelkî û ekolojîkî ra tesîrê komelî keno. Hêrişê vera kultur, ziwan û tarîxî yeno kerdene. Tewr peyên ciwanî govende ra tepişîyabî.

Wexto ke babete bena îradeyê şarê kurdî, têkoşînê estbîyayîşî, meseleya statuyî, têkoşînê azadîye nêzdîbîyayîşê dewlete werte de yê. Vera kurdan dişmenîyêka cidîye est a. Serê şerê Filîstîn-Îsraîlî ra dirîtîya dewlete eşkera bena. Partîyê sîyasî yê bînî zî wina dirîtîye kenê. Seba ke peynîya rejîmê tecrîdî bêra ganî şar bi hawayêkê topyekûnî wurzo payan ser.Tecrîd vera pêro komelê, şaranê Tirkîya yo. Coka erdê pêro şaran û sîyasîyan o ke vera tecrîdî têkoşîn bikerê.''