Şaristananê Cenevre, Zurich û Bernî yê Swîsre de 24 cayanê raydayîşî de 6.232 rayê xo dayî. Hemserekê KCDK-E Yuksel Koçî Swîsre de cayê raydayîşî zîyaret kerdî. Koçî ANFyî rê qisey kerd û venga her kesî da ke wa raya xo bido.

Koçî sere de weçînitoxê Swîsre venga pêro weçînitoxanê Ewropa da û vat: ''Nika ra pey mesuldarîya ma ya ke ma her ca de xo biresnê weçînitoxan. Ma seba serekkomarîye raya xo bidê Kiliçdarogluyî, seba wekîlîyan zî raya xo bidê Partîya Çep a Keske.  Rayê Ewropa raşta raşte tesîrê weçînayîşanê Tirkîya kenê. 2018 de Mûş û Kocaelî de bi rayanê Ewropa ma wekîlîye vistî destî. Coka raydayîş zaf girîng o.''

Hemşaredara verêne ya Sûkî Fatma Şika ke Cenevre de weçînayîşan teqîb kena vat: ''Raydayîş do 9 rojan dewam bikero. Nê weçînayîşî seba ma zaf girîng ê. Ganî her kes raya xo bido. Eke ma wazenê hûmara wekîlanê xo zêde bikerê û bi xurtî bikewê Meclîsî ganî raya xo bidê Partîya Çep a Keske.''