Bajarê Wînterthûrî yê Swîsre de seba vîrardişê Atakan Mahîr (Îbrahîm Çoban), Ronî Mûnzûr (Mahmût Laçîn) û Zekî Şengalî ( Îsmaîl Ozden) bi siloganê ‘şehîdî rûmetê ma yê’ merasîmêk ame viraştene.

Vîrardiş bi deqayêk rêzguretişî dest pêkerd. Dima ra zî Endamê Caardişî yê Konseyê KCKyî Zubeyîr Aydarî qisey kerd. Aydarî dîyar kerd ke ê têkoşînê rûmetinî yê şehîdan sey mîrasêk dewr gênî û resnenê serkewtişî.

Dima ra têkoşînê şehîdan ser o belgefîlmêk ame nîşan dayene. Qalkerdişê dadîyan û merdimanê şehîdan de, têkoşînê Rayberê Şarê Kurdî Abdullah Ocalanî, gerîlayê ke çar leteyê Kurdîstanî de şer kenî û xoverdayoxê zîndanî silam bîyî û sozê wayîrvejîyayîşî dîya.

Qalkerdişan dima vîrardiş bi sloganê ‘Şehîd nêmirenî’ qedîya.

ANTWERPEN

Bajarê Antwerpenî yê Belçîka de zî seba Dijwar Colemêrg (Yilmaz Aşan) û Rûken Faraşîn (Nîharî Yacan) ke 22ê tebaxe de şehît kewtbî, Zekî Şengalî û 3 aktîvîstê kurdî ke Îran de amebî îdam kerdene vîrardişêk virazîya.