Odaya Tabîban a Îstanbulî hesabê xo yê medyaya dîjîtale de pare kerd ke Sîyasetmedar û tarîxnasê kurdî Tarik Zîya Ekîncîyî dinyaya xo bedilnaya.

Odaya Tabîban vat: ''Endamê ma yo ercîyaye, pawitoxê heqanê merdiman, nuştox, sîyasetmedar û pisporê nêweşanê zereyî Dr. Tarik Zîya Ekîncî 1925 de qezaya Licê ya Amedî de dadîya xo ra bibi, 1949 de Fakulteya Tipî ya Zanîngehê Îstanbulî ra mezun bibi. O 1965 de TÎPî ra bibi wekîl, verê cû zî Serekîya Odaya Tabîban a Amed-Mêrdîn-Sêrtî kerdbî û endamîya Heyetê Rûmetî yê Yewîya Tabîban a Tirkan (TTB) kerdbî. 

Ekîncîyî dinyaya xo bedilnaye. Ma dejê keyeyê ci, merdimanê pare kenê. Ma komelê doktoran û heskerdoxanê ci rê serweşîye wazenê.''