Nuştox û sîyasetmedar Tarik Zîya Ekîncîyo ke 15ê tebaxe de Îstanbul de dinyaya xo bedilnabî, seba ey Camîya Şehîdlîkî ya qezaya Yenîşehîrî ya Amedî de merasîmêk ame kerdene.

Hemserekê DEM Partî Tuncer Bakirhan, cinîya Ekîncîyî Perîhane Ekîncî, birayê Ekîncîyî Emîn û Tahîr Ekîncî zî tede xeylêk wekîl, temsîlkarê rêxistinanê komelê sivîlî û hemwelatîyî tewrê merasîmî bîyî.

Bakirhanî cenaza de qisey kerd û vat: ''Ekîncî resimê têkoşînê kurdan bi. Ey emrê xo na heqanê kurdan ser, îşkence dî, kewt zîndanî la apey game nêeşte. Ma soz danê ci ke têkoşînê ey ê rûmetênî rê dewam bikerê.

Serekê Pêroyî yê Partîya Sosyalîste ya Kurdîstanî Bayram Bozyelî zî ard ziwan ke mîrasê têkoşînê Ekîncîyî do heta peyên bêro pawitene.''

Wekîlê CHPyî sezgîn Tanrikuluyî vat: ''Kek Tarikî seba heqanê şarê xo têkoşîn kerd û tecrubeyê xo neqlê her kesî kerd.''

Qiseykerdişan ra dima Ekîncî bi dûayan ame definkerdene.