Wekîlê HDPyî yê Amedî Îmam Taşçierî derheqê dewaya qefilnayîşê HDPyî de ANFyî rê qisey kerd.

Îmam Taşçierî ard ziwan ke HDP rayîro 3. o û vat: ''Wazenê partîya ke se ra 12 rayî girewtî teberê Meclîsî de verdê la wexto ke ma Meclîs de zî nêbîyî ma sey xoserî ameyêne weçînayene.''

Taşçierî serrê 90î vistî vîrî û vat: ''Serranê 90an de partîyê ma ameyî weçînayene, merdimî kişîyayî, xozaya ma ameye talankerdene. La kurdî bihêzêr bîyî. Qefilnayîşê partîyan çewî rê fayde nêkeno. Wexto ke çareya îqtîdarî nêmanena hêrişê HDPyî keno. Heta ke meseleya kurdan çareser nêba no zî do dewam bikero. Çew nêeşkeno girseyê HDPyî teberê sîyasetî de verdo. Ê zî ney zanenê la wazenê krîmînalîze bikerê.''

Taşçierî bale ante weçînayîşê serekkomarîye û wekilîye vistî vîrî û vat: ''HDP rayîro 3. o. Wazenê partîya ke se ra 12 rayî girewtî teberê Meclîsî de verdê la wexto ke ma Meclîs de zî nêbîyî ma sey xoserî ameyêne weçînayene. HDP eşkeno sey partîye, sey xoser yan zî sey mutefîqî weçînayîşan de ser bikewo. Armancê înan tersnayîş o. HDP dîyarker o, xora ma weçînayîşê Îstanbulî de no dî. Pê sîyasetê raştikênî ma do waştişê şarê kurdî bi hawayêkê serkewteyî bîyarê ca. Serranê 90an de rixmê hende çîyan kurdî wayîrê partîyê xo vejîyayî. HDP do Kurdîstan de AKP û MHP biqedîno. Şarê ma do tewirê raştikênî bimojno.''