Wekîlê HDP’yî Tayyîp Temelo ke semedê wedartişê tecrîdê serê Rabyerê Şarê Kurdî Abdullah Ocalanî 56 rojî yo grevê vêşanîye de yo bale ante serê rojeyê mergî û va, ‘‘Hinî rojî nê saetî mergî rê nêzdî kenê‘.
Grevê vêşanîye yê bêdem û bêagêrayîşî hetê bi hezaran kesan ra yenê domnayene. Hetê bînî ra 30’ê Nîsande 25 tepişteyan çalakîya xo açarnaye rojeyê mergî. Wekîlê HDP’yî Tayyîp Temelo ke semedê wedartişê tecrîdî 56 rojî yo grevê vêşanîye de yo hesabê xo yê medyaya sosyale ra bale ante serê rojeyê mergî û bêvengîya hukmat û rayapêroyî rexne kerde.
Temelî nê nuştî: ‘‘Hinî rojî nê saetî 15‘ an mergî rê nêzdî kenê… Merdişê tewr giranî zî yê ke rîye vêşanîye ra yê. Heta mero famkerdene ke nê tepişteyan qey no bedel girewto çimê xo, qet yew meseleyê nê welatî nêna halkerdene. Verê dehşetê helîyayîşê yew bedenê de nê îqtîdar nê zî muxalefet eşkeno cayê xo de vindero. Roşinvîr, hunermend û sîyasetmadarî berpisîyarîya wîjdanî ra nêeşkenê biremê.‘‘
