Serekwekîlê Koma DEM Partî Sezaî Temellîyî Meclîs de bi kombîyayîşêkî rojdem ercna.

Qiseykerdişê Temellîyî ra tay noqtayê girîngî wina yê:

''Ez Qirkerdişê Parisî yê 9ê Çeleyê 2013î şermezar kena. Qirkerdişê vera sîyasetmedarê kurdan dewam kenê. Sebebê nê qirkerdişan çaresernêkerdişê meseleya kurdan de israr o. Nê qirkerdişî seba ke meseleya kurdan nêra çareserkerdene ameyî kerdene. Tirkîya heta ke meseleya kurdan çareser nêkera bin kewena. Înanê ke nêwaşt meseleya kurdan çareser biba Qirkerdişê Parisî kerd.

Meseleya kurdan bi dîyalogan çareser bena. Bêguman oyo ke eşkeno meseleya kurdan çareser bikero Birêz Abdullah Ocalan o. La ey rê tecrîd yeno ferzkerdene. Ewro tarîtîya tecrîdî pêro welatî ra vila bena.

Xeylêk roşnvîr, hunermend û nuştoxan seba haştîye vizêr deklarasyonêk weşana. Înan veng da ke seba haştîye xîret bêro kerdene. Seba ke şer vindero ganî her kes înîsîyatîf bigêro xo ser.

Zîndanan de xeylêk tepişteyê nêweşî est ê. Hûmara înan resaya hezar û 600 kesî ke nînan ra 500 kesî ganî cade vera bidîyê. La Wezîrîya Edaletî na babete de çîyêkî nêkena.

Weçînayîşê herêmîyî zaf girîng ê. Ma do teyna şaredaran û endamanê meclîsanê şaredarîyan biweçînê. Ma do bire bidê ke Tirkîya senî bivurnê. Ma namzetanê xo goreyê îradeyê şarê xo dîyar bikerê. Ma qerardar ê ke qeyûman bişawê û weçînayîşanê herêmîyan de serkewtişanê pîlan bivisnê destî.''