Seba şiknayîşê tecrîdî yê vera Rayberê Şarê Kurdî Abdullah Ocalanî çalakîya tepişteyan a bi şîarê ''Veng bidê azadîye'' dewam kena. Çalakîkeran ra Abdulsittar Ozero ke Zîndanê Marmara de tepişte yo ANFyî rê derheqê babete de qisey kerd.

Ozerî bale ante ser ke îqtîdar dûştê serkêşîya Abdullah Ocalanî yo û hêzê Ocalanî ra terseno. Ozerî vat: ''Eke seba Rayber Apoyî planê tecrîdî est o, ganî planê ma yê seba azadkerdişê ey est bo. Çaresernêkerdişê meseleya kurdan de israrê dewleta tirke werte de yo. Ma eşkenê ney teşhîr bikerê. Hêzo demokratîk stratejîya rêxistinkerde û çalakîye ra derbaz beno. Hêzê demokrasîyî yê Tirkîya seba ke tecrîdî bikerê babeta nîqaşî ganî hêverî xo bivurnê hêzê demokrasîyî.

Şarê ma weçînayîşanê 31ê adare de tercîhê xo eşkera kerd û metodê şerê taybetî pûç kerd. Ma wazenê her kesî wa hol fam bikero ke mesele teyna Rayber Apo yan zî meseleya kurdan nîya. Mesele meseleya ziwan,dîn, azadîye û estbîyayîşî ya. Ma seba her kesî demokrasî û azadîye wazenê. Ma venga her kesî danê ke seba azadîya xo vera tecrîdî vengê xo vejo û waştişê 'Rayber Apoyî rê azadîye, meseleya kurdan rê çareserîya sîyasîye' vila bikero.''