Tepişteyê dewaya PKK û PAJKî 27ê teşrîna peyêne ya 2023yî ra nata seba azadîya Rayberê Şarê Kurdî Abdullah Ocalanî û çareserîya meseleya kurdan grevê vêşanîye de yê.

Tepişteyê Zîndanê Manavgatî Ugur Taşdevîreno ke grevê vêşanîye de yo bi rayîrê keyeyê xo mesajêk şawit. 

Mesajê xo de Taşdevîrenî wina vat: ''Heta ke çalakîya ma ser bikewa ma do dewam bikerê. Vera Rayberê ma 25 serrî yo tecrîdêko giran yeno kerdene û vera şarê kurdî zî polîtîkaya înkar û îmha yena kerdene. Sey tepişteyanê sîyasîyan ma nê grevî girîngî vînenê. Azadîya Rayber Apoyî seba pêro kurdan, tirkan û şaranê Rojhelatê Mîyanênî girîng a. Coka girîng o ke her kes tewrê nê prosesî bibo. Ma xoverdayîşê Rayber Apoyî selam kenê.''