Tepişteyo nêweş Nedîm Yilmaz 32 serran ra nata zîndan de yo. Yilmazo ke Zîndanê Boluyî de tepişte yo tede gastrît, ulser, faranjît, bronşît û enfeksîyonê roqleyan est ê.

Goreyê doneyanê Komeleya Heqanê Merdiman zîndanan de 335ê ci nêweşê giranî 412 tepişteyê nêweşî est ê. 

Heyetê Îdareyî û Çimdarîye yê Zîndanî rixmê nêweşîyanê ci zî 7 reyî tehlîyeya Nedîm Yilmazî taloq kerde. Yilmaz ganî 25ê temmuza 2023yî de biameyêne veradayene.

Wekîlê DEM Partî Newroze Uysal Aslan rewşa Yilmazî arde rojdemê Meclîsî. Newroze pare kerd ke a şîye Zîndanê Boluyî selahîyetdaranê zîndanî aye rê vato ke ‘’Ma nê qayîdeyî seba ke tepişteyî nêvejîyayî teber ardî.’’

Newroze da zanayene ke tepişteyê sîyasîyî qestî ra nênê vetene verê Heyetê Îdareyî û Çimdarîye.