Tepişteyê Bolu: Heqê ma yenê binpaykerdene, îşkence esto!

Tepişteyanê  Zîndanê Bolû yê Tîpê F’yî de eşkera kerd ke Nûrûllah Semo nê 2 serrî yo hucre de tena yeno tepiştene û ci rê îşkence yeno kerdene.

Tepişteyanê  Zîndanê Bolû yê Tîpê F’yî da pêhesnayene ke Nûrûllah Semo 2 serran ra nata tena hucreyêk de yeno tepiştene û zafê heqê înan yenê binpaykerdene û verba têgêrayîşê doktoran û muayenekerdişê pê kelemçeyan veng da TTB'yî .

Ame zanayene ke Tepişteyanê  Zîndanê Bolû yê Tîpê F’yî de heqê tepiştan yenê binpaykerdene. Tepiştan pê nameyanê zîndanî ra erşawitî behsa çîyanê ke ûca qewimîyenê kerde. Tepişteyan da zanayene ke tepişte Nurullah Semo di serrî ra nata tena kogûşêk de yeno tepiştene û gardîyanî her serê sibayî wextê hûmaritişî de heqeretan ci rê kenê. Tepiştan vat dimayê hendek îşkenceyo sîstematîk asayîşê ey nêmendo.

Tepiştan ard ziwane ke doktorî goreyê dewayan ê tepiştanê ke yenê hukmkerdene, muamele kenê û muayenekerdişê bikelemçeyan yeno ferzkerdene û na rewşa verba prensîbanê karî yê hekîmtîye ya. Tepiştan veng da Yewîya Doktoran a Tirkî (TTB) û wina vat: "Wexto ke ma wazenê ma berê revîr, ma nêbenê. Heta mengêk derbas bena, ma benê. Waştişanê lezabezan verî xo kor, lal û kerr kenê. Ma veng danê TTB'yî: doktorê ke endamê dezgehî yê şima yê û sondê Hîpokratî wend goreyê dosyaya ma wa pê çimêko kîn û nefret ma ra meewnîyê."

Tepiştan  vat ke nameyê înan bi hawayêkê sîstematîkî yenê vînkerdene û gardîyanî kolîyanê ke tepiştan rê yenê mîyanê xo de vila kenê. Tepiştan ard ziwan ke pêro heqê înan ê bingeyênî û komelkî yê sey qiseykerdişê telefonî, pêvînayîş û zafê çîyê bînî yenê destsernayene.