Tepişteyê dewaya PKK û PAJKî 27ê teşrîna peyêne ra nata seba çareserîya meseleya kurdan û wedaritişê tecrîdê vera Rayberê Şarê Kurdî Abdullah Ocalanî grevê vêşanîye de yê. 

Çalakîya grevê vêşanîye roja 35ine de dewam kena. Zîndanê Yozgatî ra tepişte Ethem Gokturkî keyeyê xo rê qala çalakîya grevê vêşanîye kerde.

Gokturkî waştişê tepişteyan vist vîrî û vat ke çalakîya înan bi qerardarî do dewam bikera. Gokturkî vat: ''Heta ke tecrîdê vera Birêz Ocalanî wedarîya ma do çalakîya xo rê dewam bikerê.  Nika di embazê ma grevê vêşanîye de yê. Tecrîdkerdişê Birêz Ocalanî tecrîdkerdişê pêro tepişteyan  û şarî yo. Ma venga pêro rayaumûmîye danê ke wa bibê vengê ma.''