Sabrî Kaya tepişteyanê nêweşan ê Zîndanê Osmanîye ra yo ke 54 serre yo. Eşkera bi ke 25ê adare de Kayayî krîzê qelbî derbaz kerd û ame berdene bi nêweşxane.

Kênaya Kayayî Dîlane Kaya  ke ANFyî reyde qisey kerd vat: ''Babîyê mi verê çimanê her kesî de kewt rewşêka bitehluke. Semedo ke îdareyê zîndanê dermanê babîyê peyda nêkerd, ey krîzê qelbî derbaz kerd.''

Dîlane vist vîrî ke dewaya PKKyî ra cezaya muebede dîyaye babîyê ci û 10 serran ra nata zî zîndan de yo û vat:  Zaf nêweşîyê kronîkî sey babîyê mi estê û se ra 70 fonksîyonê qelbî yê babîyê mi nêmendî. Nêweşxaneyê Dewlete yê Osmanîye seba weşîya babîyê mi hol nîyo ke tede nêweşêkê/a Korona wefat kerd.''

Dîlane vera hukmatê AKPyî nêrazîbîyayîşê xo mojna ke paketa 3. ya dadgerîye ya kêmîyayîşê cezayan de tepişteyê sîyasîyî teber de verdayî û waşt ke weşkerdişê babîyê ci ra dima weşkerdişê ci keye de dewam bikero. Dîlane venga edaletî da ke seba naye têbigêro û vat ke eke rewşêka xirabe bêra meydan berpirsîyar do Wezaretê Edaletî û îqtîdar bê.