Zîndanê Ereglî yê Konya de tepişte Vahdettîn Erdemcîyî pêvînayîşê telefonî de keyeyê xo rê pare kerd ke o zîndan de raştê îşkenceyî yeno.

Lajê ey Halef Erdemcîyî da zanayene ke babîyê ci 2014 de bi îdîaya 'xerakerdişê yew û temamîya dewlete' tepişîyayo û cezaya muebede werda. Halef Erdemcîyî da zanayene ke gardîyanan babîyê ci rê îşkence kerdo. Halef Erdemcîyî vat: ''Babîyê mi vat ke gardîyanî îşkenceyanê tewir bi tewiran ey rê kenê û vanê 'Şima PKKgîr ê.' Babîyê mi zaf reyî gerreyê gardîyanan kerd la çîyêk nêvurîya. Ewro pêvînayîşê ma de babîyê mi vat 'Şima cenazaya mi tîya ra do vejê.' Ma rewşa babîyê xo ra qerqilîyenê. Babîyê mi 55 serre yo û nêweş o. Eke çîyêk bêro ey sereyî mesuldarê ney îdareyê zîndanî yo.''