Bi nameyê tepişteyanê PAJK û PKKyî Denîz Kayayî eşkerayîyêke daye û bale ante serê rîskê vîrusê Korona yê vera zîndanan ser.

Kayayî vat: ''Heme dinya binê tehlukeyê vîrusê Covid-19î de ya û vera ci tedbîrî yenê girewtene ke weşîya komelî bêro pawitene. Zîndananê ke tede pakîye çîna, hûmarê ci kapasîteyê ci ra zafêr a û îmkanê weşîye bisinorê de rîsko tewr pîl esto. Zîndanna de qet tedbîrî nêameyî girewene. Coka cuya tepişteyan binê rîskê girdî de yo. Paketa hukmî ya ke bi zextê komelî ameye rojdem reyna ruho faşît ê hukmatî ramojna û sîyasîyî vera nêkewtî. Bi nê caardişî wazenê ke vera ma sîyasîyan qirkerdişêk bikerê. Eşkerayo ke sere de nêweş û extîyarî yê ke grûba rîskî de cuya heme tepişteyanê sîyasîyan hedef genê. Ma heme rayapêroyî rê tîya ra danê eşnawitene: Qet tedbîrêk nêameyo girewtene. Heme berê ameyê akerdene ke vîrusê Korona zîndanan de bibo vila. Jano ke tîya vila bo û mergano ke bîyaro ra hukmat û wezîrîya eleqedare berpirsîyar ê. Hukmat û Wezîrîya Edaletî wazenê ke nê janî bikerê qirkerdişê sîyasîyî. Sere de keyeyê ma û rayapêroyî ganî bi zanayîş nizdî bo vera zîndanan hîsgêr bo.

Ma sey tepişteyanê PAJK û PKKyî yê ke zîndanan de yê wazenê naye vajê: Ma tepişteyê azadîye ke wayîrê tradîsyonê xoverdayîşê zîndanan ê çewras serranî ra zafêr ê ma do çirey vera nê hêrişan teslîm mebê. No sîtesmo ke rijîyeno polîtîkayê ci yê zext, îşkence û qirkerdişî estî do bibê. La ma sey seranê 1980 û 1990an  ewro zî do vera nê nîzamî xo ver bidê û serbikewê.''