Zîndanê Kiriklarî yê Îzmîrî de tepişteyo sîyasî Mehmet Saît Yildirimo (71) ke 28 serrî yo zîndan de yo 18ê kanûna 2023yî de wedarîya Nêweşxanetê Dewlete yê Yeşîlyurtî û anjîyo bi.

Yildirim waştişê Rayberê Şarê Kurdî Abdullah Ocalanî ser o 2015 de seba 'erkê sekreterîye' amebi berdene bi Zîndanê Îmraliyî û 9 rojan uca de mendbi. Dima o sewqê Zîndanê Boluyî bibi û 2018 ra nata zî Zîndanê Kiriklarî de hucreyê yewkesî de tepişîyeno.

Yildirim de nêweşîyê sey hîpertansîyom, arterîosklerotîk, KOAH û tengîya damaran est ê. Birayê Yildirimî Hasan Yildirimî pare kerd ke ey 25ê kanûna 2023yî de birayê xo dîyo û da zanayene ke nêweşîyê kekê ci benê giranêr.

Hasan Yildirimî vat: ''Rewşa ey hol nêasayêne. Birayê mi bi halê xo yê nêweşî hucreyê yewkesî de tepişîyeno. Rewşa ey ma qerqilnena. Ganî na bêhuqûqîye cade biqeda û kekê mi vera bidîyo.''