Tepişteyo nêweş û hurmend Axîn Bîro (Îbrahîm Ertaş) 2015î ra nata pê sûcdarîya 'îdareyê rêxistine' Zîndanê Alanya de tepişîyeno û ci rê cezaya zîndanî ya 22 serran û 6 mengan dîyaye.

Bîroyî pêvînayîşê telefonî de keyeyê xo rê pare kerd ke semedo ke tewrê grevê vêşanîye bîyo 15 rojî yo hucreyê yewkesî de tepişîyeno. Bîroyo ke tede nêweşîyê prostat û şekerî estê îfade kerd ke her roje gardîyanî erzenê koxûşan ser, heqê spor û werdeyî sînordar kenê.

Dadîya Bîroyî Zumrete Ertaş vera rewşe nêrazîbîyayîşê xo mojna û vat: ''Ez peyê lajê xo de ya. Cigêrê mi pêroyînan rê vêşeno. Ê domananê ma ra çita wazenê? Lajê mi erzîyayo hucreyê yewkesî tira teda yena kerdene. Ma do dewaya xo ra fek vera nêdê, tim sereberz bibê. Ma do nê zulmî qetî qebul nêkerê.''