Dewa Peyindasî ya qezaya Tetwanî ya Bedlîsî de dewleta tirke binê nameyê operasyonî de teror kena. Dewe de di dewijanê ke îşkence dîyo nînan ra xeberêke çin a. Merdimê înan weşîya dewijan ra qerqilîyenê.
Dewa Peyindasî ya qezaya Tetwanî ya Bedlîsî de perey mabênê artêşa tirke û Gerîlayanê Azadîye yê Kurdîstanî de pêkewtiş qewimîyabi. Badê pêkewtişî 8 dewijî ameybîî destbendkerdene.
Dewijî Kerem Arvas, Mustafa Tedbîrlî, Necîp Tedbîrlî, Heybet Çelîk, Serkan Îpek, Garîp Îpek, Ekrem Avras, Ahmat Çelîk nezaret de tepişîyenê.
La aqîbetê Fethullah Arvas û Ekrem Arvasî nêzanîyenê. Avûkatê Kerem Arvasî Berfîne Ozan da zanayene ke wird dewijî pê îşkenceyî ameyî destbendkerdene û ê do derheqê îşkenceyî de gerre bikerê. Ozane vat ke wina pawîyeno ke 8 dewijî siba do sewqê Hakîmîya Cezaya Sulhe bêrê kerdene.
Kekê Ekrem Arvasî Huseyîn Arvasî pare kerd ke makînayê karî erşawîyayê herêma operasyonî û dewe de ablûqa dewam kena. Arvasî vat: ''Ma hema zî nêresayî Fethullah û Ekrem Arvasî. Ma cuya înan ra qerqilîyenê.''
