Wezîrê Weşîye yê Tirkîya Fahrettin Kocayî ke derheqê  rewşa peyêne ya Korona de zayanîş vat  24 saetanê peyênan de 63 nêweşanê bînan dinyaya xo bedilnaye û 2 hezar û 184 kesanê bînan de nêweşîya Korona ameye tesbîtkerdene.

Goreyê doneyanê fermîyanê peyênan hûmara merdeyan pêro pîya bîye 277 û ya nêweşan zî bîye 15 hezar û 799. Tirkîya de nêweşîye 10ê adare de vejîyeyebî werte û a roje ra nata bi zêdîyayîşî vila bena.

Goreyê rêxistinanê weşîye hukmatê tirkî hûmara raşte ya nêweşan û merdeyan nimneno. Hetê bînî ra torranê sosyalî ra zî bi eşkerayîyan û dîmenan yeno ramojnayene ke hukmat raşt nêvano.Vera nê torran zî kampanyaya zextî ameye destpêkerdene.  10ê adare ra heta nika xeylêk kesî ameyî destbendkerdene. Wezîrê Karanê Zereyî zî tim û tim şarî tehdît keno ke wa kes vengê xo mevejo.