Tirkîya de hûmara fermîye ya merdeyan bîye 649
Goreyê zanayîşanê peyênanê ke Wezîrîya Weşîye ya Tirkîya eşkera kerdî 24 saetanê peyînan de rîyê vîrusê Korona ra 75 kesanê bînan dinyaya xo bedilnaye û hûmare bîye 649.
Wezîrê Weşîye yê Tirkîya Fahrettin Kocayî derheqê rewşa peyêne ya janê Korona de zayanîş da.Goreyê zanayîşanê ke Kocayî dayî 24 saetanê peyênan de rîyê vîrusê Korona ra 75 kesanê bînan dinyaya xo bedilnaye û hûmare bîye 649.
Kocayî da zanayene ke heta ewro 202 hezar û 845 testî ameyî kerdene û 30 hezar û 217 kesan de nêweşîye ameye tesbîtkerdene. Kocayî ard ziwan ke goreyê zêdbîyayîşê testan hûmara nêweşan kêm a û vat hûmara kesanê ke benê weş zêdîyena. Kocayî reyna vîst vîrê ke vîrus hêzê xo temasî ra gêno û vat ma nê firsatî medê vîrusî û keyeyanê xo de bimanê.
