Wezîrê Weşîye yê Tirkîya Fahrettin Kocayî badê kombîyayîşê Heyetê Zanistanê Komelî ke tede xurtbîyayîşê janî ame ercnayene ra dima derheqê rewşa peyêne ya janê Korona de zayanîş da.

Kocayî da zanayene ke heta nika 228 hezar û 868 testî ameyî kerdene û 34 hezar û 109 kesan de nêweşîye ameye tesbîtkerdene. Goreyê zanayîşanê ke Kocayî dayî 24 saetanê peyênan de rîyê vîrusê Korona ra 76 kesanê bînan dinyaya xo bedilnaye û hûmare bîye 725. Kocayî ard ziwan ke 81 bajaran de janê vîrusê Korona vejîya werte û vat: ''Ma kewtê merheleyêkê neweyî. Hînî ma heme binê tehdîtî de yê. Ganî ma xo bipawê û paştî bidê yewbînan.''