Wezîre Weşîye yê Tirkîya Fahrettin Kocayî hesabê xo yê twîtterî ra eşkera kerd ke 24 saetanê peyênan de 17 kesê bînî  vîrusê Korona ra merdî.

Kocayî ard ziwan ke 10ê adare wexto ke nêweşîyê Korona newe Tirkîya de vejîyayî werte ra nata welat de zaf çî bedilyayî û vat çîyo ke destê înan ra yeno ê kenê. Kocayî vat: ''Hûmara nêweşanê Korona pêro pîya bîye 5 hezar û 698. Ewro 17 nêweşanê ma yê bînan cuya xo vînî kerde û hûmare merdeyan  bîyê 92. 344 nêweşî serwîsê ciewnîyayîşê giranî de yê. 42 nêweşê Korona bîyî weş û nêweşxane ra vejîyayî.''