Çarçeweya tedbîranê vera vîrusê Korona de Tirkîya de seferê heme trenan ameyî vindarnayene û bê tay bajaranê pîlan seferê teyarayan zî ameyî îptalkerdene. Reyna otobusî zî do goreyê destûrîya walîtîye tê bigêrê.
Çarçeweya tedbîranê vera vîrusê Korona yo ke dinya bi sebebê bi hezaran merdan Tirkîya de seferê heme trenan ameyî vindarnayene û bê tay bajaranê pîlan seferê teyarayan zî ameyî îptalkerdene.
Hetê selahîyetdaranê eleqedaran ame perekerdene ke heme Tirkîya de seferê trenanê bilezan ameyî vindarnayene. Îstanbûl de bê Başketray û Marmarayî heme seferê trenan ameyî vindaranyene. Reyna seyahatê otobusan zî do goreyê destûrîya walîtîye bêro kerdene. Ewro ra tepîya seferê otobusan zî vindenê.
Hetê bînî ra Mudirê Pêroyîye yê Rayîranê Hawayî (THY) yê Tirkî Bîlal Ekşîyî da zanayene rîyê Korona ra ê do têna 14 bajaranê pîlan seferan bikerê. Goreyê eşkerayîye bajarê ke seferî do bêrê kerdene wina yê: İstanbul, Anqara, Samsun, Trabzon, Erzirom, Wan, Amed, Meletî, Dîlok, Kayseri, Konya, Adana, Antalya û İzmir.
