Têgêrayîşê Cinîyan ê Azadan (TJA) bi şîarê ‘’Cinîyî seba azadîya Serekîye, seba kultur û ziwanê kurdkî, vera şîdetê serê cinîyan têkoşîn kenê’’ hemleyêka newîye daye destpêkerdene.

Amed de deklarasyonê hemle ame eşkerakerdene. Vervatoxa Meclîsê Cinîyan ê DEM Partî Halîde Turkoglu û Vervatoxa Meclîsê Cinîyan ê DBPyî Bêrîvane Bahçecî zî tede xeylê kesî tewrê eşkerakerdişê deklarasyonî bîyî.

Deklarasyon de ame parekerdene ke armanc û hedefê hemle wina yê:

‘’-’Bingeyê caardişê şertanê xebat û cuya azade yê Birêz Ocalanî de heta tecrîdî bişiknê ma do hemleya xo bîyarê ca.

-Nê prosesê pêvînayîşanê Îmraliyî de ma do perspektîfanê Birêz Abdullah Ocalanî xo rê sey mesuldarîyêke bivînê û goreyê net têkoşîn bikerê.

-Seba çareserîya meseleya kurdan û bi qanûnan pawitişê heqanê kurdan ma do têkoşîn bikerê.

-Ma do bingeyê perspektîfê cinîya azade ya Abdullah Ocalanî de xo têkoşîn bikerê.

-Ma do vera polîtîkayanê asîmîlasyonî yê serê kultur û ziwanê kurdan têkoşîn bikerê.

-Ma do vera polîtîkayanê şerê taybetî cinî û ciwanan bipawê.

-Ma do bingeyê tezanê azadîya cinîyan ê Birêz Ocalanî de hişmendîya xopawitişî û antî-cînsîyetperestîye bîyarê ca.

-Hemleya ma heta caardişê azadîya Birêz Ocalanî do dewam bikera.

Ma venga pêro cinîyan danê ke bi şîarê ‘Jin, Jiyan, Azadî bi fikr, zerrî û çalakîya xo tewrê na hemle bibê.’’