TUAY-DER: Wa heyetêkê weşîye cade şiro Îmrali
TUAY-DERî bale ante vîrusê Korona ser û vat: ''Ganî rêxsitinê weşîye yê xoserî zî tede heyetêk cade şiro Îmrali.'' Reyna ame ame waştene ke sere de nêweşî wa heme tepişteyî bêrê veradayene.
Komeleya Hetkarîya Bi Keyeyanê Tepişteyan (TUAY-DER) semedê tehdîtê vîrusê Korona derheqê rewşa zîndanan de eşkerayîyêke daye.
Eşkerayîye de ame vatene ke zîndanan de qeydeyê pakîye nênê caardene. Koguşî dezenfekte nêbenê. Malzemeyê hîjyenî kêm ê. Saetê hawagirewtişî teng ê û awa germin binizamî nêna dayene.
Reyna veng dîya Wezîrîye Weşîye ke wa derheqê zîndanan de zanayîş bido. Zîndanan de vîrusî ra kesêk nêweş kewto ya nê ganî bêro eşkerakerdene.
Eşkerayîye de ame vîrardene ke keyeyî rîyê Korona ra nêşenê zîyaretê tepişteyan û telefon de qisey kenê û ame vatene ke Rayberê Şarê Kurdî Abdullah Ocalano ke 21 serrî yo Zîndanê Îmrali de yo heme telefon de qisey nêkerdo û ame waştene ke wa Ocalan û tepişteyanê bînan ê Îmraliyî rê heqê telefonî bêro naskerdene.
Eşkerayîye de ame vengdayene ke wa cade heyetêkê weşîye yo ke rêxsitinê weşîye yê xoserî zî tede yê şiro Îmrali û Ocalan û tepişteyanê bînan de pêvînayîş bikero û sere de tepişteyê nêweşî wa heme tepişteyî bêrê veradayene.
