DEM Partî ya ke Mûş de bi ferqê pîlî Şaredarîye girewt bajar de semedê cinîyan xebatê xo zêdînayî. Hemşaredarê Mûşî Tuba Sayilgan û Sirri Soylmez bi hîsgêrîye nêzdîye waştişê cinîyan benê û kenê ke hewcedarîyan bîyarî ca.

Hemşaredara Mûşî Tuba Sayilgana ANFyî rê qisey kerd vist vîrî ke tarîxê Komare  ra Şaredarîya Mûşî hetê partîyanê îqtîdarî ra yena îdarekerdene û vat: ''Ma reya verêne sey DEM Partî bi sîstemê hemserekîye şaredarîye girewt. Ma biteyabetî wazenê bale biance sîstemê hemserekîye ser. Ma serkewtişo pîl fîna dest û vatişê 'bi cinî şaredarî nîna qezenckerdene' betal kerd. Bado ke ma şaredarîye dewr girewt ma dest pê kerd şarê Mûşî rê qala sîstemê hemserekîye kenê.''

Tuba Sayilgan bale ante muhîmîya sîstemê hemserekîye ser û nê vatî: ''Sîstemê hemserekîye hetê şarê Mûşî ra ameye qebulkerdene û şar wayîrê nê sîstemî vejîya. No sîstem semedê cinîyan ê Mûşî bi hêvî. Cinîyî eşkenê problemanê xo pare bikerî. Seba ke ma hewcedarîyanê sey mişewre, paştdayîş, psikolojîk û ekonomîkî yê cinîyan bîyarê ca ma bi nê sîstemî bajarî îdare kenê. Hemserekîye semedê ma zaf muhîm a ke ma do çirey cameverdê. Ma do Mûş de pîya bi cinîyan bajarî bi xurtkerdişî îdare bikerê.''

Tuba Sayilgane ard ziwan ke înan bado ke wezîfe girewt berê şaredarîye şarî rê akerdî û wina vat: ''Cinîyî hinî eşkene rehet waştiş û hewcedarîyanê xo vajê.  Mûş de semedê cinîyan problemê îstîhamî yê cinîyan est o. Waro umûmî û xeylêk sektoran de çew cinîyan nêvîneno. Ma soz da ke ma do heme îmkananê şaredarîye mabênê camêrd û cinîyan de secîye pare bikerê. Ma bi projeyê 'Şînxaneyê Cinîyan' dest pê karî kerd ke no Mûş de reya verêne ame kerdene. Ma do semedê cinîyan cayê arisyayîşî ronê. Ma do dewrê nêzdî semedê cinîyan keyeyanê paştdayîşê cinîyan ronê ke cinîyî sey merkezanê mişewre û paştdayîşî bişuxulnê. Ma sey Mudirîya Xizmetê Cinî Keyeyî yê Şaredarîye kenê biresê zafêr cinîyan. Ma do semedê çareserkerdişê problamenê cinîyan çîyo ke destê ma ra bêro bikerê.''