Vera operasyonê qirkerdişê sîyasîyî yo ke îqtîdarê AKP û MHPyî verê weçînitişî vera avûkatan, rojnameran û hunermendan kerd nêrazîbîyayîşî zêdîyenê. Hemsereko Pêroyî yê ÎHDyî yo verên û namzede Partîya Çep a Keske Ozturk Turkdoganî ANFyî rê derheqê na reşwe de qisey kerd.

Turkdoganî ard ziwan ke îqtîdar bi nê operasyonî keno ke çimê Partîya Çep a Keske bitersno û vat: La na keda veng a. 8 serrî yo operasyonê winayênî tim yenê kerdene, şar nêterseno, nêrazîbîyayîş mojneno. Nê operasyonî mojnenê ke Tirkîya de hukm binê kontrolê îqtîdarê sîyasîyî de yo. Nê caardişê keyfî yê, caardişê e îdareyê pêtî yê, goreyê qanûnî nîyê. Vera nê gerek ma nê îqtîdarî bişawê. Kam ke vano, ez kurd a, elewî ya, demokrat a, heqanê merdiman wazenê gerek hinda nê îqtîdarî bişawo. Êyê ke hema paştî danê înan gerek paştdayîşê xo peyser bigêrê. Muxalefet zî gerek bineyna cesur bo. Îtîfaqê Mîletî gerek vengê xo vejo, vera nê operasyonê qirkerdişê sîyasîyî nêrazîbîyayîş ramojno.  Gerek na pûnesekîye hinda xo serî ra bierzo. Eke eşkera paştî medê kurdan înan rê bawerîye nêmanena.  Ferqê nê operasyonî û operasyonê Gezîyî çîn o. Muxalefeto ke wazeno bibo îqtîdar gerek biney cesur bo.”