Vervatoxa Partîya Çep a Keske Çigdeme Kiliçgun Uçar, Hemserekê Pêroyî yê KCDyî Berdan Ozturk û namzedê wekîlîye Bazarcixê Mereşî de tewrê têhetameyîşê şarî bîyî.

Kiliçgune Uçar qiseykerdişê xo de nê vatî: "Şima vera înanê ke Bazarcix mergî rê caverda, îradeyê cuya fîna werte. Vervatoxê rejîmê yewmerdimî eşkerayîyanê xo de vanê ê do heta roşanî heme xirbeyan wedarê la ma ewro vînenê ke bînayê rijnayeyî sey xo vindenê. Ma zanê ke waranê erdlerzî de xizmeto cîya est o. Herêmanê kurdan û elewîya rê ya tay hetkarîye bena ya zî qet nêbena. No îqtîdaro ke heqê cuya zî nêdano, ci rê îqtîdar helal nîyo. Ma do pêro pîya bibedilnê, wa nê ra şikê çewî çînêbo. Eke destnêdayêne şaredarîyanê ma ser wextê erdlerzî rewşe wina giran nêbîyêne. Îqtîdar îradeyê ma ra terseno. No welat açarna welatê şerî. Şar vêşan o, ê pê viraştişê îHA û SÎHAyan xo wasifnenê.  No weçînitiş krîtîk o. Ma di rayan do bişxulne. Weçînitişê partlamentoyî do ma raya xo danê Partya Çep a Keske. Raya dinîne zî semedê bedilnayîşê rejîmê  yewmerdimî û rijnayîşê faşîzmî ma danê Kemal Kiliçdarogluyî. Ma rayanê xo bişuxulnê û wayîrê sindoqan bivejîyê.  Badê hûmartişê rayan ma do rikê nê îqtîdarî ra govenda tewr girde bîgerê. Seba ke ma têkoşîno ke heta ewro kerdo wa ser bikewo, ma rayanê xo bidê Çep a Keske."