Vervatoxa Partîya Çep a Keske Çîgdeme Kiliçgun Uçar kombîyayîşê heftaneyî yê grûba partîya xo de rojdam erjna.

Uçare xoverdayîşê vera qirkerdişê xoza yê Cûdî û Akbelenî selam kerd û vat: ''Cûdî de pê destê dewlete, Kazdaglari de hetê Cengiz Holding û Akbelen de hetê şîrketanê ke hukmat paştgerê ci yo, xoza yena qetilkerdene. Hêrişo wina eşkera yeno kerdene ke leşker û polîsê dewlete medyaya sanale de senî cografyaya Kurdîstanî vêşnenê û talan kenê mojnenê komelî. Bi serran o Cûdî de şewat est o.  Têna Cûdî de ney, nê welatî de seserre yo şewato sîyasî est o. Eşkera yo ke Cûdî de dewlete bi xo şewat vejena û nêverdana bêro hewnakerdene. Wazenê ke herême bikerê veng. Ma do sey Akbelenî vera nê veng vejê û destûr medê.''

Uçare bale ante tecrîdê serê Rayberê Şarê Kurdî Abdullah Ocalanî ser û nê vatî: ''Tirkîya de huqûq nîno caardene. Seba ke qala tecrîdî yena kerdene, destbendkerdişî qewimîyenê.  Ma sey kedakaranê heqîqet û raîtîye tim vanê ke ma berpirsîyarê ke raştîyan vajê.  Ma pê vengê berzî bîyarî ziwan; nê welatî de tecrîd est o. Buroyê Huqûqî yê Asrinî derheqê Birêz Ocalanî de eşkerayîye daye. 12 serran de têna panc rey pêvînayîş ameyo kerdene. Îqîtdaro ke  îdîa keno ke dewleta huqûqî ya, derheqê qirkerdişê huqûqî yê Imraliyî de qet çîyêk nêvano. 30 aşmî yo Birêz Ocalan û tepişeyanê bînan ê ke cayê ey de yê, înan ra qet xeberêke nêameye girewtene. 

Bi seyan avûkatan bi hezaran rey muracat kerd.Têna avûkat û merdimanê ci nê, heme xeylêk cayanê dinya vera tecrîdî muracatî ameyî kerdnee. Dinya de 35 avûkatan û Tirkîya de 775 avûkananê 29 baoryan muracatê Wezîrîya Edaletî kerd ke şirê Îmrali û xebere bîgêrê. Derheqê nê muracatan de bi serran o qet eşekerayîyêke nîna dayene. Îqtîdar çekuya tecrîdî ra terseno. Qey tersenê? Semedê çareserkerdişê meseleya kurdan û demokratîkbîyayîşê Tirkîya şexso tewr muhîm Birêz Abdullah Ocalan o. Eke o bikewo dewre no îqtîdar û no şer meşruyetê xo vînî kenê. Gerek tecrîd bêro wedaritene. Ma do semedê wedaritişê tecîrîdî têkoşînê xo bidomnê.''

Uçare bale ante krizî ekonomî ser û  bi kurdkî veng kerd Wezîrê Xazîne û Malîye Mehmet Şimşekî. Uçare vat: ''Barê giranî yê şe nê şerî û rantî ma kedkarî ancenê. Ma tirkî vat ma fam nêkerd. Seba ke Şîmşek kurdkî hina hole fam keno ma kurdkî vajê. Rojek nan heye, dew tune ye, rojek dew heye, nan tune ye. Êdî bese, êdî naçe, êdî nameşe.''