Hemvervatoxa Partîya Çep a Keske Çîgdeme Kiliçgun Uçar hesabê medyaya dîjîtale yê partîya xo ra venga weçînitoxanê teberê welatî da.

Uçare vat: ''Ma pê hîsê serkewtişî şarê xo yê teberê welatî selam kenê. 27ê nîsane de seba şima raydayîş dest pêkeno. Ma teberê welatî de partîya diyîn a ke tewr zaf rayan gêna. Ma armanc kenê ke pê destekê şima bibê partîya diyîne. Mevajê ke 'pê raya mi çi vurîyeno.' Ma pê raya şima tay şaristanan de ser kewtî. Coka ma venga pêro şarê xo yê teberê welatî danê ke weçînayîşan de mesuldarî bigêro, şoro sindoqan ser. Ma venga şima danê ke bêrê ma pîya rejîmê tekcamêrdî ra bixelisê û cuya newîye awan bikerê. Dê şorê sindoqan ser, raya xo bidê Partîya Çep a Keske! Ma tîya de yê, pîya do bivurnê!''