Vejîya werte ke Rayberê Şarê Kurdî Abdullah Ocalanî seba ke 'volta' eşte êlul a 2018î de cezaya dîsîplînî dîyaye ci.

Goreyê xebera Ajansê Mezopotamya Abdullah Ocalan menga êlul a 2018î de wextê falîyetê sporî de seba ke 'volta' eşte 3 mengî pêvînayîşê keyeyî ame astenkerdene. Abdullah Ocalanî dima ke pîya tepişteyanê bînan ê ke Îmrali de yê velebol û basketbol kay kerd, volta eşte. Serekîya Heyetê Dîsîplînî cipersayîşê dîsîplînî da destpêkerdene û seba ke 'falîyetê sporî açarnayo falîyetê sohbetî' 14ê êlul a 2018î seba 3 mengan cezaya zîyaretî ra mehrum verdayîşî dîyaye Ocalanî.

Abdullah Ocalanî vera na ceza Dadgerîya Înfazî ya Bursa rê îtîraz kerd û vat volta hareketo tewr standart ê zîndanan û waşt ke na xeletî ra peyser bêro agêrayene.

Na cezaya dîsîplînî raporê Komîteya Vergirewtişê Îşkenceyî ya Konseya Ewropa (CPT) yo ke derheqê zîyaretê 6-17ê gulan a 2019î de 6ê tebax a 2020î de eşkera kerd de ca girewte.