Qezaya Seyhanî ya Adana de bano ke HDP û Partîya Çep a Keske hempar şuxulnenê, cinîyêke cehd kerd ke hêrişê ci bikero.

Cinîyêke zereyê hîrê şîşeyanê petî de madeyê teqnayîş û vêşnayîş ard verê banê partî de na ro.  Bado ke cinîyêka nasnameyê ci nîno zanayene, ameye ferqkerdene, xebere dîyaye polîsan. Polîsanê ke cayê qewimîyayîşî de cipersayîş kerd, tesbît kerd ke şîşeyê ke tîya ameyî ronayene tede medeyê taqayîş û vêşnayîşî est o.

Hemserekê HDPyî yê Adana Mehmet Karakişî vat saetanê serê sibayî de cinîya biturbane ke ameya verê berî, seba ke ber nêameyo akerdene nêrdîwane de 15 deqeyî  pawit û dima ra tewreyê xo ra şîşeyê petî vetî, tîya nayî ro  şîye.

Karakişî vat: ''Cinîye yeno cor, berî cinena la embazê ma yo ke zere de yo aye ferq keno û berî anêkeno. Polîsan cipersayîş kerd ma gereyê aye kerd.''