Ekolojîsto anarko Tugulka Tolga Koseoglu Daristanê Akbelenî de wextê protestoyan de 2yê tebaxe de amebi destbendkerdene û nezaret de raştê tacîz, îşkence û heqaretan mendbi. Koseogluyî derheqê babete de ANFyî rê qisey kerd.

Koseogluyî da zanayene ke cendirmeyan wextê protestoyî de hêrişê înan kerdo û vat: ''Cendirmeyan pê paskilan ma pey ra kelemçe kerdî. Înan ma berdî leweyê daristanî û pê fekê çekan da ma ro. Slogananê ma yê serê Cûdîyî ê zaf aciz kerdê. Cendirmeyen vat 'Cûdî ha?' da ma ro, nêngî çinayî. Dima cendirmeyan binê nameyê kontrolî de ez tacîz kerda. Mi vera ney nêrazîbîyayîş mojna la înan reyna da mi ro. Nêweşxane de ma rê muayenaya bi kelemçe ameye ferzkerdene la ma qebul nêkerd. Doktorî zî terefê cendirmeyan girewt û raporê derbe nêda mi.

Koseogluyî pare kerd ke Fermandarîya Cendirmeyan de zî îşkence dewam kerdo û o dima bi şertê kontrolê edlîyî vera dîyayo. Koseogluyî ard ziwan ke ey do gerreyê cendirmeyan bikero.

Koseogluyî vat: ''Ma do têkoşînê xo rê dewam bikerê. Îrade û têkoşînê ma pê îşkence û teda nêşikîyenê.''