Rêxistina HDPyî û Partîya Çep a Keske ya Mersînî vera hêrişê serê Wekîl Omer Ocalanî vizêr eşkerayîye daye. Eşkerayîye de pankarta 'Destê xo medê îradeyê ma' ameye akerdene. Wekîlê Partîya Çep a Keske Alî Bozan, temsîlkarê ÎHDyî yê Mersînî û xeylêk kesî tewrê eşkerayîye bîyî.

Hemserekê HDPyî yê Mersînî Hoşyar Sariyildizî eşkerayîye wende û venga Serekê Meclîsî da ke wa vera hêrişê serê Omer Ocalanî tewirê xo bimojno. Sariyildizî vat: ''Ma do gerreyê mesuldaranê nê hêrişî bikerê. Adana de zî vera bînaya partîya ma hêriş ame kerdene. Ma zanenê ke fermanê nê hêrişan kam dayo.'' 

Hoşyar Sariyildizî venga her kesî da ke vera hêrişanê serê HDPyî têkoşînê hemparî bikero û vat: ''Ma sereyê xo nêard war û ma do hesabê nê zulmî bipersê.''