Çalakîya ke bi vengdayîşê 70 ra zafêr sazîyanê sivîlan, akademîsyen û pawitoxanê merdiman, 1ê Kanûne de Berlîn de do hemverê qedexeyê PKKyî, nîjaperestîye û qanûne polîsan bêro viraştene, hadreyîyê ci temam ê.
26ê Têşrîna peyên a 1993î de dewleta Almanya qedexeyê PKKyî îlan kerdbi. Qedexeyo ke keweno serra 25. hetê kurdan û hetanê demokratan ra do 1ê Kanûne de paytextê Almanya Berlîn de bêro protestokerdene.
Xeylî sazîyê sivîlî, merdimê zanayî, akedemîsyen, huqûqkar, parlamenter, rojnameger û pawitoxê heqanê merdiman çalakîyêka hempare organîze kenî.
Çalakî û mîtîngo ke do bi slogana ‘‘waştişê azadîye nêno qedexekerdene - vera qanûnê polîsan, qedexeyê PKKyî û nîjadperestîye mucedeleyo hempar‘‘ bêrê viraştene.
Komîteya hadreyîye da zanayene ke rayîrraşîyayîşo ke do roja şemeyî saet 12.00 de meydanê Alexanderplatzî de bêro virşatene, heme hadreyîyê ci temam ê û waşt ke pêroyî hetê demokratî tewrê na çalakîye bibê.
Komîteye çalakîya “Yelegçeqerin” yê Fransa zî vist vîrî û vat ke seba paştîdayîşê nê çalakwanan kam ke wazeno eşkeno bi yeleganê çeqer ya zî sûran tewrê çalakîye bibo.
Seba çalakîye 25 bajaranê Almanya ra otobusî ameyî organîzekerdene. Seba saet û cayê wiriştişê otobusan adreso cêrîn bitiknê.
https://wunschnachfreiheit.wordpress.com/anfahrt/
